Nagpasalig ang Department of Education (DepEd) nga tumanon ang commitment sini nga siguruhon ang kinamatarung kag kaayuhan sang mga teachers nga magaserbe bilang poll workers sa nagahilapit nga May 12 national and local elections.
Suno kay Education Secretary Sonny Angara, sigurohon sang ahensya nga mabayluhan sang pagpasalamat, preparasyon kag proteksyon ang serbisyo sang mga manunudlo para pangapinan ang demokrasya.
Ginpahayag man sang tiglikom, labaw sa eleksyon, isa ini ka national act of trust kag nagakadapat lang nga hatagan sang bug-os nga suporta ang mga teachers.
Suno sa ahensya, pahulagon man ang DepEd’s Election Task Force (ETF) sa bilog nga pungsod agud maghatag sang real-time monitoring, assistance, kag incident response sa tion sang eleksyon.
Ang DepEd Election Command Center mangin fully operational man umpisa sa Mayo 11 tubtob 13 kag ang headquarters sini ang ipahamtang sa Makati City.
Ang kada Election Task Force operations center ang maga-coordinate sa Comelec, Public Attorney’s Office, kag law enforcement bodies agud proteksyonan ang mga teachers nga magahatag sang election service.
Ang ETF members makabaton man sang honoraria, overtime pay, ukon compensatory time off, depende sa ila employment status kag subject sa government rules.
May naplastar man nga clear guidelines agud mapabilin ang political neutrality,kag strict prohibitions batok sa electioneering kag partisan activity.
Samtang, nagpromisa naman ang Integrated Bar of the Philippines (IBP) nga magahatag ini sang legal assistance sa mga teachers nga posible mangatubang sang complaints bangud sa pagserbisyo sa midterm elections.
