DepEd, nagpatigayon sang drug test sa mga manunudlo kag estudyante sa Iloilo

ILOILO CITY–Nagpatigayon sang drug testing ang Department of Education (DepEd) sa mga personnel kag mga estudyante sa Iloilo.
Sa interview sang Bombo Radyo kay Dr. Nordy Siason, assistant schools division superintendent sang DepEd-Iloilo, iya ginpahayag nga katuyu-an sang mandatory drug testing nga mahibalu-an kun bala nagagamit ukon wala ang mga DepEd official kag personnel.
Magluwas diri, may yara man sang random drug testing sa mga high school students sa Iloilo.
Nagpamalibad naman si Siason nga hingadlan kun sa diin nga mga eskwelahan ginpatigayon ang drug testing sa diin makabig nga confidential.
Ang resulta sang drug test suno kay Siason ang naghalin pa sa Metro Manila.