ILOILO CITY– Padayun ang pagpanghanda sang Department of Education sa pagbukas sang kalse sa maabot nga Agosto 24, partikular na sa produksyon sang mga modules.
Sa interview sang Bombo Radyo kay Dr. Roel Bermejo, Schools Division Superintendent of Iloilo Province, iya ginpahayag nga padayun ang produksyon sang mga modules para sa modular learning,bangud kalabanan sa mga ginikanan ang nagpili sang nasambit nga learning delivery modality.
Suno kay Bermejo, kalabanan sa mga eskwelahan ang nakatapos na reproduce sang modules para sa una nga semana sang klase, samtang may yara man sang iban nga natapos na ang produksyon sang learning materials para sa una nga bulan sang klase sang kabataan.
Magluwas sa produksyon sang tagsa ka mga learning materials, may yara man sang capability training ang mga manunudlo sa kun paano nila mapaathag sang maayo sa mga kabataan ang leksyon nga dapat nila matun-an.
Nahibaluan dako ang pagpanghangkat subong nga ginapangatubang sang Department of Education sa bag-o nga modalities sang pagtudlo bangud man sa ginpatuman nga mga health protocols bangud sa pandemya.
