𝗜𝗟𝗢𝗜𝗟𝗢 —Handa na ang tanan nga sistema sang Department of Education (DEPED) Region 6 sa pagbukas sang school year 2024-2025 buwas nga adlaw, Hulyo 29, 2024.
Sa interview sang Bombo Radyo kay Mr. Hernani Escullar, Jr., Spokesperson sang Department of Education 6, iya ginpahayag nga napagguwa na ang tanan nga regional memorandum nga kon sa diin, naga-ensure sang safety sang tanan nga learners sa bug-os nga rehiyon sais.
Suno kay Escullar, lakip sa memorandum ang child protection policy nga kinahanglan mahatag ang healthy nga pagkaon sa mga canteen sang tagsa ka buluthuan kag gilayon nga mahatagan sang atensyon medikal kon nagakinahanglan.
Ginpahayag man sini nga nag-request naman sila sa mga eskwelahan nga magkoordinar sa mga local law enforcement entities agud nga masiguro ang peace and order sa vicinity sang eskwelahan.
Nagkoordinar naman ang ahensya sa Department of Health (DOH) agud nga agud nga maimplementar ang mga tikang nga makabulig tapna sa dengue nga posible makahalit sa mga estudyante.
