Ginkalipay kag ginpasalamatan ni Department of Education (DepEd) Secretary Sonny Angara ang pag-apruba sang P961.3 billion nga budget sang departamento.
Suno kay Angara, ang pondo magahatag sang mas madamo nga suporta sa mga maestro kag maestra, mas madamo nga oportunidad para sa mga kabataan, kag magapasanyog sang mabakod nga patakaran sa pagtudlo.
Ang bag-o nga budget sang (DepEd) nadugangan sang P86.8 billion halin sa orihinal sini nga alokasyon nga P874.5 billion sa National Expenditure Program.
Suno kay Nueva Ecija Rep. Mikaela Suansing, bilang chairperson sang House appropriations, ang 2026 budget para sa edukasyon ang pinakamataas sa kasaysayan sang pungsod.
Base sa report sang bicameral conference committee, P57.3 billion ang gintagana para sa Basic Education Facilities Program nga magapondo sa konstruksyon sang 40,000 ka mga bag-o nga classroom sa masunod nga tuig 2026.
