𝗠𝗔𝗡𝗜𝗟𝗔 —Tuyo sang Department of Education (DepEd) amo ang mapauswag sang performance sang walo ka million ka mga estudyante sa Program for International Student Assessment (PISA) sa tuig 2025.
Suno kay Department of Education Secretary Sonny Angara, ini ang “gilayon nga tinutuyo” sang departamento sa masunod nga tuig.
Madumduman nga ginrekomendar ni Angara ang pagtukod sang task force nga magatutok sa sini sang nagligad nga Domingo.
Sa resulta sang Program for International Student Assessment 2022, ang Pilipinas yara sa ika-anom nga pwesto sa 81 ka mga pungsod.
Sa patag sang creative thinking, ikaduha sa pinakamanubo ang mga estudyante nga Pilipino, santo sa Program for International Student Assessment.
Nahibaluan nga ang masunod nga Program for International Student Assessment natalana sa Marso 2025.
Kun balikan, si Angara ang nagtambong sini nga Miyerkules sa paglunsar sang Brigada Pagbasa Partners Network, nga nagatuyo nga mapasanyog ang pagbasa sang mga lamharon nga estudyante sa Pilipinas.
