ILOILO – Ginkumpirma ni Iloilo Governor Arthur Defensor Jr. nga temporayo nga ginsuspinde ang deployment sang Doctors to the Barrio (DTTO) gikan sa Western Visayas padulong sa Cebu subong nga adlaw.
Sa interview sang Bombo Radyo kay Defensor, iya ginpahayag nga personal siya nga nag-apelar kay Secretary Carlito Galvez Jr, chief implementer sang National Task Force (NTF) on COVID-19, agud ipaiway anay ang pag-augment sang mga medical doctors sa amo nga lugar.
Suno sa gobernador, nagpasalig naman si Galvez nga istoryahan sang national inter-agency taskforce ang development sang amo nga problema sa augmentation.
Nagakinahanglan man sang dugang nga medical forces ang rehiyon suno kay Defensor ilabi na bangud nagataas naman ang kaso sang COVID-19 sa Iloilo.
