Ginatos na ka migrants ang naaresto sa Estados Unidos Unidos sang Amerika kag ang iban ginlupad na sang helicopter paguwa sa pungsod kasunod sang promisa ni US President Donald Trump nga mass deportation operation.
Suno kay White House press secretary Karoline Leavitt, “538 illegal immigrant criminals” ang nadakpan sang Trump administration kag ginatos suno sa iya ang gin-deport paagi sa military aircraft.
Ini man suno sa press secretary ang largest massive deportation operation sa maragtas sang Estados Unidos.
Matandaan nga sa election campaign pa lamang, nagpasalig na si Trump sa crackdown sa illegal immigration.
Sa una nga adlaw sa pagpungko bilang presidente, nagpirma man ini sang order nga nagadeklarar sang “national emergency” sa southern border kag gin-anunsyo ang deployment sang dugang nga tropa sa area dala ang pasalig nga i-deport sini ang “criminal aliens.”
Nahibaluan nga may ginabanta nga may 11 million undocumented migrants sa bilog nga United States.
Lakip sa kontrobersiya nga nag-alsa matapos sini amo ang pahayag sang Democratic mayor sang Neward, New Jersey nga nag-raid ang Immigration and Customs Enforcement (ICE) agents sa local establishment kag gin-detain ang undocumented residents kag mga residente bisan nga wala man sila sang gina-uyatan nga warrant. Ginsiling pa sang mayor nga nalakip sa gin-detain sa raid amo ang isa ka US military veteran.
