Dako ang kumpyansa ni Finance Secretary Carlos Dominguez nga mabuhi na liwat ang ekonomiya sang pungsod sa ikaduha nga quarter sang 2021 kasunod sang asud-asud nga mass vaccination program kag amat-amat nga pagnubo sang COVID-19 cases.
Suno kay Dominguez, sa tion nga mag-abot na ang tanan nga bakuna nga ginprocure sang pungsod, pat-od nga makapatigayon sang inoculation ang gobyerno indi lamang sa 70 million nga mga tigulang kundi pati na sa 15 ka million nga mga pamatan-on sa tion nga may yara naman sang aprubado nga bakuna batok sa COVID-19 para sa ila.
Ginpahayag ni Dominguez nga ginaproseso naman ang negosasyon sang booster shots sang COVID-19 vaccine para sa masunod nga tuig kag ginalauman nga macontain na sang pungsod ang virus.
As of May 20, naka-administer na ang pungsod sang 4,495,375 ka doses sang COVID-19 vaccine.
Nahibaluan nga ang gross domestic product sang pungsod ang nagsarurot sa 4.2 percent sa una nga quarter sang tuig 2021.
Ini ang makabig nga pinakauna nga pagsarurot sang ekonomiya sa Pilipinas sa sulod sang lima ka sunod-sunod nga mga quarter humalin sang debt crisis sang pungsod sang 1980’s.
