Arestado ang isa ka deputy chief of police sang Noveleta, Cavite bangud sa ginaalegar nga paghimulos sa isa ka babaye nga drug suspect nga iya gindakop kag ginhimo nga asset.
Ang suspek amo si “Lt. Edward” sang Noveleta Police Station.
Ang biktima amo si alyas “Iza”, 34-anyos, residente sang Brgy. Tabon. Kawit, Cavite.
Nahibaluan nga si Iza ang detained sa Noveleta Police Station matapos siya nga gindakop kaupod ang iya live-in partner bangud sa ginapahayag nga kaso sa droga sang Septyembre 3.
Ginpreso sila sa Investigation Section kag gin-imbestigaran kag ginpilit nga itudlo kun kay sin-o sila nagabakal sang druga.
Sang kaagahon sang Septyembre 4, gin-alegar ni Iza nga didto na ini ginhimuslan sang pulis sa sulod sang istasyon.
Suno pa sa biktima, sadto pa, ginhimo na ini nga sex slave sang Deputy chief sang gindakop siya kag ginpreso sang apat ka adlaw sa barracks sang Deputy sang Hunyo 10, 11, 12 kag 13 sang 2024.
Ginhimo sang pulis ang paghimulos sa kaiping nga building sang Police Station sa ikaduwa nga panalgan nag ginhimo nga barracks sang suspek.
