Naghatag sang libre nga konsultasyon ang dermatologist nga si Dr. Rema Cejar natuhoy sa dandruff ukon kaspa, bilang kabahin sang “Health Talk” segment sa Good Morning Philippines.
Sa interview sang Bombo radio kay Dr. Cejar, iya ginpahayag nga ang dandruff isa ka common nga skin condition nga nagadala sang kakatol sa anit, apang indi ini makalalaton.
Ginpahayag man niya nga posible ini magtinir sa ulo sang isa ka tawo kon indi mahatagan sang nagakaigo nga pag-atipan.
Suno sa iya ang indi regular nga paghugas sang buhok nagadala sang build-up sang oil kag higko nga mahimo magpalala sang kondisyon.
Gintudlo man niya nga ang stress isa man sa mga factor nga naga-increase sang oil production sa scalp, nga nagaresulta sa pagdamo sang kaspa.
Nagbilin man ini sang pahanumdom sa publiko nga importante ang husto nga hygiene kag pag-atipan sang buhok agud malikawan ang paglala sang dandruff kag iban pa nga scalp conditions.
