ILOILO CITY – Nagpanugyan ang isa ka board-certified dermatologist nga indi pagpabay-an ang hair loss nga possible epekto sang mas madalom nga health ukon emotional issues.
Sa interview sang Bombo Radyo kay Dr. Rosita de Juan Conducta, isang fellow ng Philippine Dermatological Society, iya ginpahayag nga ang alopecia ukon pagkalapuspos sang buhok ang mahimo nga temporary ukon permanente, kag epekto sang genetics, pagbag-o sang hormones, mga kondisyon sa ikaayong lawas, pagtigulang, kag stress nga epekto sang emotional ukon pisikal nga problema.
Suno kay Conducta, hereditary ang nagapanguna nga rason sang pagkalbo sa mga kalalakihan.
Ang kondisyon nga ini, nga kilala bilang androgenetic alopecia, ang amat-amat nga nagalala samtang naga-edad kag masami nga palanublion.
Lakip naman sa mga available nga option agud matapna ini ukon mabulong amo ang topical medicine kag pagbag-o sang lifestyle.
Panugyan ni Dr. Conducta, mas mayo nga magkonsulta sa doctor kun ang pagkalapuspos sang buhok ang gulpi, patchy, ukon malala na.
