Ginpatpat sang isa ka Dermatologist sang Philippine Dermatological Society ang mga ginatunaan kun ngaa ang isa ka tawo ang naga-angkon sang arikis.
Sa interview sang Bombo Radyo kay Dr. Felina Joyce Dy, isa ka dermatologist, iya ginpahayag nga ang scabies (galis) isa ka sakit sa panit nga dulot sang magagmay nga insekto nga ginatawag nga “mites” nga nagasulod sa panit kag nagapangitlog gani nagatuga sang tuman nga pagpalangatol.
Suno pa sa iya nga madali ini nagadamo kun indi gilayon makuha ukon matatapan sa pagbulong.
Nagpanugyan ini nga kinahanglan labhan sang maayo ang hiligdaan kaangay sang bedsheets, habol kag ulunan paagi sa paggamit sang mainit nga tubig ukon ibulad sa init sang adlaw sa sulod sang 8 tubtob 10 ka oras agud mapatay ang mites.
Gindugang pa sini nga importante nga matinlo permi ang mga kagamitan nga ginagamit sa lawas agud malikawan ang paglapta sang scabies.
