ILOILO CITY – Nagbida ang obra sang Ilonggo designer sa long gown competition sang batch two sang Miss Earth 2017 candidates nga ginpatigayon sa Joy Nostalg Hotel and Suites Manila.
Ginrampa ni Miss Cameroon Angele Kossinda ang baby pink nga off-shoulder gown nga himo ni Kris Frias.
Si Frias ang nagikan sa Barangay Ticud, La Paz, Iloilo City apang sa karon nagatrabaho na sa Manila.
Magluwas sa long gown, si Frias man ang magadisenyo sang swimsuit, opening costume nga superhero kag ang gown nga gamiton ni Miss Cameroon sa coronation night.
Samtang nagdaog man sa batch two sang long gown competition si Miss Peru Karen Rojas.
Nag-tie naman sa silver medal ang pambato sang Pilipinas nga si Karen Ibasco kag si Miss Costa Rica Fernanda Rodriguez.
Nakuha naman ni Eucharia Akani sang Nigeria ang bronze medal.
Patigayunon ang grand coronation sang Miss Earth 2017 sa November 4 sa Mall of Asia Arena sa Pasay City.
Design sang Ilonggo designer, ginrampa sa long gown competition sang Miss Earth 2017
Duterte, makasarang pa nga mag-atubang sa ICC pre-trial proceedings —medical experts
Nagguwa sa pagpangusisa sang independent panel sang medical experts nga makasarang pa si anay Presidente Rodrigo Duterte nga mag-atubang kag magpartisipar sa pre-trial proceedings...
