Nagpasalig ang Commission on Elections (Comelec) nga ipagwa na sa katapusan nga bahin sang Abril ang desisyon may kaangtanan sa pending nga mga kaso batok kay presidential candidate Ferdinand “Bongbong” Marcos, Jr.
Suno kay Comelec Commissioner George Garcia, nagkomiter na si Comelec chairman Saidamen Pangarungan nga i-release na ang desisyon antes pa man ang May 2022 elections.
Pinakatemprano na suno sa komisyoner ang ikaduha nga semana sang Abril.
Nahibaluan nga pito tanan ka mga petition ang gin-file batok sa presidential bid ni Marcos; sa pito, anum na ang nabasura sa lain-lain nga division.
May isa pa ka disqualification case nga pending sa Comelec division, apang nag-file man ang petitioners sang motions for reconsideration kag amo ang istoryahan sa Comelec en banc.
