Ginalauman nga maguwa na buwas nga adlaw ang desisyon sa ginaduso nga realignment sang traffic sa Ungka Flyover sa Pavia, Iloilo.
Sa interview sang Bombo Radyo kay Engr. Sanny Boy Oropel, Regional Director sang Department of Public Works and Highways (DPWH) Region 6, iya ginpahayag nga mahimo ini mahibaluan pagkatapos sang patigayunon nga dry run buwas man nga adlaw.
Suno kay Oropel, sa subong, wala pa sang time table para sa rerouting sang traffic.
Ginpahayag man sini nga sa ginaduso nga realignment, ang mga motorista nga nagahalin sa Iloilo City kag padulong sa Pavia ang mahimo maka-agi sa right lane sang flyover.
Samtang, ang mga motorista naman nga nagahalin sa Pavia kag padulong sa Iloilo City ang mahimo nga mag-agi sa flyover kag magliko sa wala nga bahin agud magamit ang single lane nga nakadesignar.
Buksan na sa full capacity ang Ungka flyover sa Disyembre 25, 2024.
