ILOILO – Suportado ni Iloilo Governor Arthur Defensor, Jr. ang desisyon sang Partido Demokratiko Pilipino–Lakas ng Bayan (PDP-Laban) nga i-eleher si Energy Secretary Alfonso Cusi bilang bag-o nga presidente sang partido.
Si Defensor amo ang chairman sang PDP-Laban sa Iloilo.
Kahapon, sa ginpatigayon nga national assembly sang ruling party sa Clark, Pampanga kun sa diin yara mismo ang chairman nga si Presidente Rodrigo Duterte, ginpahalin na si Senator Manny Pacquiao bilang presidente kag ginbulos ang anay vice chairman nga si Cusi.
250 ka PDP-Laban members ang nag-attend sang assembly — physically kag virtually.
Si Duterte mismo ang nagpamuno sa oathtaking sang bag-o nga mga officers.
Sa nauna na nga interview kay Defensor, ginpahayag sini nga nagalaum siya nga masolusyunan na ang indi paghangpanay sang mga mata-as nga pinuno sang partido kag maplastar sang maayo ang pila ka mga plano para sa maabot nga eleksyon.
