Nabudlayan ka man bala nga magpaniwang ukon magbuhin sang imo kabug-aton sa diin halos makahambal ka nga kun pwede lamang indi ka nalang magtikab sang imo baba agud malikawan mo ang pagkaon sang madamo?
Sa New Zealand, kontrobersyal ang gindevelop nga weight loss device nga gindisenyo agud mabuksan lamang sa 2 millimeter ang baba sang isa ka indibidwal.
Katuyuan sini nga malimitahan ang pag-usang sang baba sa pagkaon.
Ang DentalSlim Diet Control ang gindevelop sang mga scientist sang University of Otago, sa New Zealand.
Ini nga intra-oral device ang mahimo i-tapik sang dental professional sa lower back teeth sang kliyente.
Ini ang nagafeature sang pinasahi nga custom-manufactured locking bolts nga kontrolado sang magnet sa diin kun i-activate ini, ginapahanugutan lamang ang baba nga magbukas sang gamay apang husto lamang makaginhawa kag makahambal man sang normal ang nagasuksok sini.
Nagapati ang developers sang DentalSlim Diet Control nga dako ang papel sang sini nga produkto agud matapna ang global obesity epidemic.
