DFA, naka-record sang 50 ka dugang nga kaso sang mga Pilipino sa luwas sang pungsod nga infected sang COVID-19

Nadugangan pa sang 50 ka mga Pilipino sa luwas sang pungsod ang natapikan sang Coronavirus Disease 2019 (COVID-19).

Santu sa data sang Department of Foreign Affairs, kabug-usan nga 8,854 na nga mga Overseas Filipino Workers ang infected sang virus.

Samtang 5,274 ang naka recover kag 611 ang patay.

Sa kabug-usan nga numero, 2,969 ang active cases nga ginalakipan sang 119 sa Asia-Pacific; 484 sa Europe; 2,246 sa Middle East kag Africa kag 120 naman sa Estados Unidos.