Nagtaas ang numero sang panibag-o nga kaso sang coronavirus disease 2019 (COVID-19) kag recoveries sa mga Filipino nga yara sa luwas sang pungsod.
Sa record sang Department of Foreign Affairs (DFA) subong nga Lunes, Setyembre 21, nadugangan sang 21 ang new cases kag 25 ang nakarecover sa nasambit nga balatian.
Ini nga mga kaso ang lunsay narecord sa Asia and the Pacific, Europe, kag sa Middle East.
May isa man ka patay sa Middle East.
Sa kabug-usan, nagsaka na sa 10,411 ang confirmed cases sa mga Filipinos abroad; 6,619 ang naka-recover, 3,014 ang nagapaidalom sa pagbulong kag 778 ang ginbawian sang kabuhi. #
