Ginpakamalaot ni Department of Foreign Affairs (DFA) secretary Teodoro Locsin Jr., si Vice President Leni Robredo matapos nagbuya ini sang pahayag may kaangtanan sa pagkansela sa mga diplomatic passport.
Ginkwestyon ni Robredo ang desisyon sang DFA nga kanselahon ang tanan nga mga courtesy diplomatic passport.
Sa social media post ni Locsin, gintawag niya nga ‘boba’ ukon ‘mango’ si Robredo.
Suno sa DFA Secretary, kuntani may maayo nga tawo nga maghatag sang utok ukon magtudlo kay Robredo sang insakto.
Apang wala pa sang isa ka oras, gilayon man nga nagpangayo sang pasaylo si Locsin sa bise presidente.
Dugang pa sang natungdan, kuntani nag pamangkot anay si Robredo sa iya bag-o ini maghatag sang iya komento.
Nahibaluan nga gin-anunsyo sang DFA ang pagkansela sang mga pasaporte matapos gin-deport sang Hong Kong si anay DFA Secretary Albert del Rosario.
