Nagpasalig ang Filipino weightlifter nga si Hidilyn Diaz-Naranjo nga iya himuon ang tanan agud mangin madinalag-on sa iya pagbalik sa Southeast Asian (SEA) Games sini nga tuig.
Sang nagligad, ginkumpirmar ni Naranjo nga magabalik siya sa kompetisyon, kun sa diin iya nakuha ang back-to-back gold medals sang 2019 kag 2022.
Suno sa iya, determinado siya nga magahatag liwat sang kadungganan sa Pilipinas pinaagi sa pagpauli sang medalya.
Ginpakita man ni Naranjo ang iya suporta sa iban pa nga Filipino athletes.
Hiwaton ang 2025 SEA Games sa Disyembre 9 tubtob 20 sa Thailand.
Kaupod ni Naranjo nga magatiglawas sang Pilipinas sa weightlifting sanday Rosegie Ramos, Jhodie Peralta, Elreen Ando, Kristel Macrohon, kag iban pa.
