Nagpaandam ang Department of Information and Communications Technology (DICT) batok sa isa ka sahi sang cyberattack sa Miyerkules, Nobyembre 5.
Suno sa ahensya, ini nga cyberattack amo ang Distributed Denial of Service (DDoS) ukon “traffic flood” nga gina-target ang mga web server.
Ang DDoS kaangay sang isa ka traffic jam sa internet kun sa diin dululungan ang mga hacker nga ginaatake ang isa ka website ukon app.
Pahayag sang DICT, posible nga maghinay ukon indi gilayon mag-load ang pila ka websites ukon apps.
Gin-athag man sini nga indi ini isa ka data breach kag wala sang personal accounts, data ukon kwarta nga mahimo kawaton sang mga hackers.
Naka-activate naman ang National Computer Emergency Response Team sang ahensya para mag-monitor kag masiguro nga safe ang digital space.
 batok sa isa ka sahi sang cyberattack sa Nobyembre 5.){kind=link}