Nagapati ang Bangko Sentral ng Pilipinas (BSP) nga dako ang mabulig sang digital banks agud mabatak ang nagasarurot nga ekonomiya sang pungsod.
Nahibaluan nga ang digital banks amo ang sahi sang financial institutions nga wala sang pisikal nga mga branch kag gindisenyo agud mapahapos ang banking system para sa mga unbanked kag undeserved.
Suno kay BSP Gov. Benjamin Diokno, ginaduso sang digital banks ang “tech-savvy” nga sahi sang ekonomiya.
“We expect the digital banks to help fuel recovery and long-term growth for the Philippines, alongside conventional banks,” pahayag ni Diokno.
Pahayag niya, wala lang nagatutok ang pungsod nga makarekober sa krisis kundi ang bug-os gobyerno ang nagabubo sang effort padulong sa post-COVID Philippine economy nga mas mabaskog, mas technologically advanced, mas inclusive, kag sustainable.
Una na gin-aprubahan sang BSP ang framework para sa digital banking sa pungsod bag-o ini nag-isyu sang anom ka digital banking licenses.
“Technology aids exponential growth in output. In finance, it makes transactions easier and faster which speeds up income generation,” dugang pa ni Diokno.
