Ginkumpirma sang National Basketball Association (NBA) nga nagapaidalom subong sa treatment ang Basketball Hall of Famer nga si Dikembe Mutombo bangud sa brain tumor.
Ang nasambit nga former center ang nakahampang sang 18 seasons sa NBA sa anum ka teams, ginakilala bilang isa sa greatest shot blockers sang liga, kag nakadaog sang Defensive Player of the Year award apat ka beses sa iya nga karera sa basketball.
Lakip sa nasudlan nga teams ni Mutombo amo ang Denver Nuggets, Atlanta Hawks, Philadelphia 76ers, New Jersey Nets, New York Knicks kag Houston Rockets.
Siya man ang eight-times All-Star nga bantog sa iya nga humanitarian work sa Democratic Republic of Congo, kag una nga persona nga nakabaton sang humanitarian award sang NBA sang duha gid ka beses. ##
