Wala pa sang panibag-o nga impormasyon nga nabatun ang Department of Interior and Local Government Region 6 may kaangtanan sa ginpasa nga irrevocable resignation sang mga barangay officials sang Linobayan, Tigbauan.
Kasunod ini sang nangin dako nga kontrobersiya sa nasambit nga barangay kun sa diin masobra isa na ka tuig nga reklamo sang mga pumulyo ang langaw kag baho halin sa poultry farm sa kaiping sini nga lugar.
Sa interview sang Bombo Radyo kay Atty. Junine Java, Regional Legal Officer sang DILG 6, iya ginpahayag nga kun wala pa sa gihapon sang nangin sabat ang Office of the Mayor sang Tigbauan sa sulod sang 15 ka-adlaw nga ginpasa ang resignation, mangin pinal ang mangin resignation sang mga opisyal sang Linobayan base man sa probisyon sang Local Government Code.
Suno sa iya, kun magabuya gidman ang nasambit nga mga opisyal, may ara gid sang igabutang nga caretaker ang mga awtoridad agud magpanguna sa nasambit nga barangay.
