Ginpanawagan sang Department of Interior and Local Government (DILG), ang pagpahamtang sang preemptive evacuation sa mga lugar nga malapit sa baybayon sa Cagayan, Central Luzon, CALABARZON, Bicol Region, Eastern Visayas, Davao, CARAGA kag iban pa nga lugar nga posible maapektuhan sang tsunami halin sa Kamchatka, Russia.
Base sa datos halin sa Philippine Institute of Volcanology and Seismology (PHIVOLCS), posible nga mag-abot sa baybayon sang Pilipinas ang minor sea level disturbance ukon tsunami nga may kataason nga isa ka metro, kasunod sang 8.7 magnitude nga linog nga natabo sa east nga bahin sang Kamchatka Peninsula.
Ginahingyo sang DILG ang mga lokal nga pamunuan nga magpatuman sang precautionary measures kag mag-andam sang evacuation plans para sa mga apektado nga lugar.
Ginpahanumdom man ang publiko nga indi anay magpalapit sa baybayon kag magbantay sa mga unusual nga balud.
Yara sa idalom sang PHIVOLCS Tsunami Advisory ang masunod nga mga lugar:
-Batanes Group of Islands
-Cagayan
-Isabela
-Aurora
-Quezon
-Camarines Norte
-Camarines Sur
-Albay
-Sorsogon
-Catanduanes
-Northern Samar
-Eastern Samar
-Leyte
-Southern Leyte
-Dinagat Islands
-Surigao Del Norte
-Surigao Del Sur
-Davao Del Norte
-Davao Oriental
-Davao Occidental
-Davao Del Sur
-Davao De Oro
Ginapangabay ang mga pumuluyo nga maghalin sa baybayon kag magpadulong sa mas taas nga lugar agud malikawan ang peligro.
