Nagmando ang Department of the Interior and Local Government (DILG) nga untaton ang illegal logging kag quarrying nga ginatudlo rason sa mga pagbaha sa Pilipinas.
Suno kay Interior Secretary Eduardo Año, iya na ginmanduan ang local government units (LGUs) kag Philippine National Police agud i-reactivate ang Anti-Illegal Logging Task Forces.
Pahayag ni Año, ginmanduan man niya ang mga police kag LGUs nga padasigon ang tree planting kaupod ang Department of the Environment and National Resources (DENR).
Ginpanumduman man niya sa mga LGU nga sa idalum sang 2011 memorandum sang DENR, ang mga municipal mayor kag city mayor ang nagakadapat nga siguraduhon nga wala sang illegal logging, kaingin kag iban pa nga forest destruction sa ila nasakupan nga lugar.
