Dilg-Iloilo city suportado ang panawagan ni Sec Benhur Abalos sa pagpasa sang courtesy resignation sang full-fledged colonels kag generals

Magasuporta sa gihapon ang Department of Interior and Local Government Iloilo City sa panawagan ni Interior Secretary Benhur Abalos nga magpasa sang courtesy resignation ang full-fledged colonels kag generals, apisar nga wala may nabaton nga written order sa tiglikom.

Sa interview sang Bombo Radyo kay Oscar Lim, Director sang Department of Interior and Local Government- Iloilo City , iya ginpahayag nga magasunod ini sa mandu sang ahensya kag magahatag sang suporta kay Iloilo City Mayor Jerry Trenas nga una nagpabutyag sang pagbaro sa amo nga tikang ni Secretary Abalos.

Madumduman nga sang Miyerkules, Enero 4, sang ginpalayag ni Abalos ang amo nga panawagan bilang tikang para sa internal cleansing sa mga opisyal nga naangot sa illegal drug trade.