ILOILO CITY- Wala pa sang ngipon ang Department of Interior and Local Government (DILG)- Iloilo City batok sa mga sari-sari stores nga nagabaligya sang over-the-counter nga mga bulong.
Ini kasunod sang mando ni DILG Secretary Eduardo Año nga kinahanglan nga makakuha sang license halin sa Food and Drug Administration (FDA) ang sari-sari stores agud makabaligya sang non-prescription drugs.
Sa interview sang Bombo Radyo kay Iloilo City DILG Director Oscar Lim, iya ginpahayag nga samtang wala siya sang ginauyatan nga opisyal nga kopya sang order gikan sa DILG Central Office, indi pa sila maka-require sa mga tiyangge nga mag-gawad sang lisensya.
Suno kay Lim, ginahulat man niya ang mangin akto sang Iloilo City Council matapos sini ginduso sa konseho ang proposal nga magdihon sang ordinansa nga nagadumili sa mga tyangge sa pagbaligya sang over-the-counter nga mga bulong.
