Imbestigahan sang Department of Interior and Local Government (DILG) ang viral video sang punong barangay.
Suno kay DILG Spokesperson Undersecretary Jonathan Malaya, magapadala ini sang team agud nga imbestigahan ang insidente nga ginakaulamiran sang barangay official.
Pahayag niya, ang insidente ang nagtuga sang pagkadismaya kag pagkabalaka bangud makabig ini nga paglapas sa public morals kag Code of Conduct and Ethical Standards of Public Officials and Employees.
Dugang pa sang natungdan, wala gina-tolerar sang Department of Interior and Local Government ang bastos nga pangginawi sang sin-o man nga local government official kag ginapasalig sang ahensya nga may yara sang pagasabton ang punong barangay.
Nagalaom si Malaya nga gilayon mapasa ang resulta sang imbestigasyon agud mahibaluan kun ano mahimo nga atubangon sang punong barangay kag sang barangay treasurer nga kaupod niya sa viral video.
