Nagakadapat nga kapin isa kag tunga ang metros sang kadalumon sang duta nga palubngan sang mga napatay bangud sa COVID-19.
Sa interview sang Bombo Radyo kay Anthony Andaleza, focal person sang Local Government Operations Office sang Department of the Interior and Local Government (DILG) Region VI, iya ginpahayag nga ini nga pagsulundan ang santo sa DILG memorandum circular no. 2020-063.
Gin-athag sang natungdan nga nagakadapat sa duta ipalubong ang mga nagtaliwan nga COVID-19 positive kag indi sa pantyon.
Ginpasalig man niya nga imbestigaran nila ang mga local government unit nga posible naglapas sa ila nga guidelines.
Samtang, ginpat-od sang Department of Health (DOH) nga wala sang kinalain ang ila direktiba angot sa direct burial sang mga napatay bangud sa COVID-19 ipaanggid sa guidelines sang DILG.
Sa interview sang Bombo Radyo kay Dr. Bea Camille Natalaray, spokesperson kag Head sang Non-Communicable Disease Section sang DOH Region 6, iya ginpahayag nga may yara sila sang joint resolution sang DILG.
Nasaad diri nga ang direct burial ang ginapatigayon within 12 hours matapos napatay ang pasyente.
Ang Handlers sang cadavers ang nagakadapat magsuksok sang full personal protective equipment (PPE).
Kinahanglan man nga double sealed ang bangkay kag less than 2 meters ang kadalumon sang duta nga lubngan sang patay.
