Natalana nga magpagwa sang show cause order ang Department of Interior and Local Government batok sa 30 ka mga alkalde sa mga lugar nga nangin mahinay ang pagpanagtag sang cash assistance sa mga benepesyaryo sa idalom sang social amelioration program.
Suno kay Department of Interior and Local Government Undersecretary Jonathan Malaya, kinahanglan nga ipaathag sang mga alkalde kun ngaa wala nasunod ang ginahatag nila nga deadline sa pagpanagtag sang ayuda sang Mayo 10.
Madumduman nga una na nga ginapahayag sang Department of Interior and Local Government nga sundon nila ang due process sa imbestigasyon sa mga lokal nga opisyal nga wala naka kompleto sang distribusyon sang ayuda antes ang deadline.
Nahibaluan nga base sa datos sang Department of Interior and Local Government nga yara sa 1,265 ka mga local government units sa bilog nga pungsod ang nakatapos na sa pagpanagtag sang first trance sang ayuda sa deadline nga gintalana sang gobyerno.
