Ginkumpirmar sang Department of the Interior and Local Government nga wala sila may ginpagwa nga anunsyo parte sa kanselasyon sang klase kag trabaho sa gobyerno subong nga adlaw Miyerkules, Agosto 27.
Ini nga pahayag kasunod sang pagpost sang impormasyon sa social media page nga “Philippine Weather Advisory.” Suno sa ahensya, fake news ang ginpalapta sang amo nga Facebook page bangud wala sila sang ginpagwa nga opisyal nga anunsyo.
Ginklaro pa sang DILG nga desidido sila nga magapasaka sang kaso batok sa mga responsable sa pagpalapta sang sala nga impormasyon.
Ginapahanumdom man sang ahensya nga sila ang may awtoridad sa pag-anunsyo sang kanselasyon sang klase kag trabaho sa tiun sang malain nga tiyempo.
