ILOILO CITY – Ginlunsyar sang Department of Interior and Local Government (DILG) ang anti-corruption campaign.
Katuyuan sini ang agresibo nga kampanya batok sa kurapsyon, sa mga local government unit (LGU).
Sa interview sang Bombo Radyo Iloilo, ginpahayag ni DILG Assistant Secretary Epimaco Densing III nga amo man ang focal person sang ahensiya sa kampanya batok sa kurapsyon, seryoso ang gobyerno nga tapnaon ang kurapsyon.
Suguran ini suno sa opisyal, sa kabarangayan kun sa diin tudluan ang mga pumuluyo nga magpili sang mga opisyal nga indi magpangawat sa kaban sang gobyerno.
Mangin partner sang DILG sa sini nga kampanya ang Philippine Advocates for Federalism.