ILOILO CITY – Ginmanduan sang Department of Interior and Local Government ang mga barangay sa syudad sang Iloilo nga magpatigayon sang mga general assembly.
Sa interview sang Bombo Radyo kay Punong barangay Wilson Allona, sang Rizal lapuz Sur, iya ginpahayag nga natalana sa buwas las 3 sang hapon ang ila general assembly sa barangay sa diin mando ini sang DILG nga patigayunon duha ka beses kada tuig.
Sa pihak sini, suno kay Allona, naplastar naman umpisa November 18 nga sila mangkumpiskar sa mga naga obstruct sa dalan tuhoy sa ginapatigayon nga road clearing.
Samtang, pahayag sang punong barangay nga humalin Oktubre 30 tubtob subong wala na sang narekord nga positive sa COVID-19 sa bilog nga Lapuz bangud sa pagbinuligay sa pagpatuman sang tanan nga health protocol sa pumuluyo.
