Nagpanugyan ang Department of the Interior and Local Government nga maghimo sang ‘shame campaign’ batuk sa mga Pilipino nga wala nagasuksok sang mask kag wala nagasunod sa health protocols sa tunga sang Coronavirus pandemic.
Gin-athag ni Department of the Interior and Local Government Undersecretary Martin Diño nga ang ‘shame campaign’ ang indi direkta sa mga tawo nga nagpositibo sa Coronavirus Disease 2019 (COVID-19) kundi sa mga tawo nga pasaway kag dapat nga pakahuy-an.
Base sa London-based nga grupo, 91% sa mga Pilipino ang masami nagasuksok sang mask sa tion nga ini ang magguwa sa ila balay samtang 83% ang regular nga nagapanghugas sang ila kamot.
Samtang suno kay Diño, ang Oplan Kalinga ang isa ka house-to-house campaign nga may katuyuan nga isaylo ang COVID-19 positive sa quarantine facilities gikan sa ila balay.
Dugang pa niya, ang mga nasambit nga kampanya ang makabulig sa mga tawo agud nga mas mangin mahinalungon sa virus.
