Pagaimbestigaran ni Department of Interior and Local Government (DILG) Secretary Jonvic Remulla ang Bureau of Fire Protection (BFP) matapos nga gintawag niya ini bilang ‘Most Corrupt Agency’ sa pungsod.
Suno kay DILG Secretary Remulla nga ila tinlu-an ang nasambit nga ahensya agud nga mag-untat na ang korapsyon.
Pahayag niya, tama ka lapnagon ang pagpangkorap sang ahensya paagi sa indi husto nga pagbaligya sang fire extinguishers, pagkontrata sang sprinklers kag pag-issue sang mga building permits.
Pagahimuon sini ang tanan nga mga tikang agud nga malimpyohan ang BFP.
Dugang niya, agud nga masiguro nga wala sang anomaliya sa ila pagpang-inspeksyon, nagbakal sila sang 15,000 ka mga body-worn camera nga pagasuksokon 24 oras sang ila mga imbestigador agud nga ma-rekord ang ila tanan nga mga transaksyon.
Ang ini nga tikang nga pagpanglimpyo ukon pagpa-untat sang korapsyon sa BFP ang isa sa mga top priorities sang DILG subong nga tuig.
 Secretary Jonvic Remulla ang Bureau of Fire Protection (BFP) matapos nga gintawag niya ini bilang 'Most Corrupt Agency' sa pungsod.){kind=link}