ILOILO CITY–Patay si dismissed SPO4 Nerio “Ricky” Salcedo matapos nga ginapahayag nagbato sa mga pulis matapos nga ginserbehan sang search warrant sa iya balay sa Sara, Iloilo.
May yara sang 14 ka search warrants may kaangtanan sa illegal possession of firearms, ammunitions and explosives ang ginserbe sa banwa sang Sara, Lemery, Banate kag Estancia.
Magluwas sa balay ni Ricky Salcedo, gin-raid man ang balay sang iya amay nga si anay Mayor Neptali Salcedo.
Ginapahayag nga gintiro si SPO4 Salcedo samtang nagapasulod na ang raiding team sa iya balay.
Nahibalu-an nga sang damlag lang, may placard nga ginbutang ang dismissed pulis sa atubang sang iya balay sa diin nakasulat nga nagapanghangkat siya sa mga pulis.
Ang operasyon ang ginabug-usan sang Iloilo Police Provincial Office (IPPO), Regional Drug Enforcement Unit (RDEU), Regional Special Operations Group (RSOG), Philippine Drug Enforcement Agency (PDEA), Criminal Investigation and Detection Group (CIDG) kag Special Action Force (SAF).