ILOILO CITY – Opisyal na nga ginbuksan ang Dinagyang Festival 2023.
Si Iloilo City Mayor Jerry Treñas ang naghampak sang bombo ukon sang drum nga nagapatima-an nga opisyal na nga nagbukas ang ginakabig nga world-class Dinagyang Festival.
Suno sa alkalde, malipayon ini bangud nga nagbalik na liwat ang face-to-face nga kahiwatan.
Bangud sini, may tsansa na ang mga Ilonggo nga mapakita ang ila abilidad, talento kag performance.
Sa amo nga aktibidad kahapon, nagpasundayag ang walo ka mga competing tribes sa Dagyang sa Barangay kag pito ka mga tribu sa Dinagyang Ilomination.
Nagpasundayag man ang mga kandidata sa Miss Iloilo 2023.
