𝗜𝗟𝗢𝗜𝗟𝗢 𝗖𝗜𝗧𝗬 – Nangin maduagon ang Grand Opening Salvo sang Dinagyang Festival 2025 subong nga hapon, Enero 10, 2025.
Walo ka mga tribu nga nagpasakop sa Dinagyang Ati Tribes competition ang nag-perform sa apat ka mga judging areas.
Ini amo ang mga masunod:
Tribu Paghidaet sang La Paz National High School,
Tribu Salognon sang Jaro National High School,
Tribu Parianon sang District of Molo,
Tribu Ilonganon sang Jalandoni Memorial National High School,
Tribu Pag-Asa Kang Manduryaw sang District of Mandurriao,
Tribu Hangaway sang Graciano Lopez Jaena Elementary School,
Tribu Molave sang Barangay San Rafael, Mandurriao, kag
Tribu Pan-Ay sang Fort San Pedro National High School.
Sa mensahe ni Iloilo City Mayor Jerry Treñas nga ginbasa ni Vice Mayor Jeffrey Ganzon, iya ginpahayag nga gina-abi abi niya ang tanan nga mag-upod sa pagsinadya sa Dinagyang Festival.
Pormal naman nga gindeklarar ni Vice Mayor Ganzon ang pagbukas sang Dinagyang Festival.
Ang 2025 edition sang Dinagyang Festival ang may tema nga “Buhi nga Pagtuo sa Kinabuhi sang mga Ilonggo.”
