Pangunahan sang isa ka typical nga misa ang Dinagyang Festival 2025 antes paman man opisyal nga magsugod ang paindis-indis sang mga ati tribes.
Sa interview sang Bombo Radyo kay Rev. Fr. Nelson G. Zerda, Parish Priest sang San Jose Placer Parish Church, iya ginpahayag nga pagkatapos sang misa, may hiwaton nga prosesyon.
Suno kay Father Zerda, tuman ka unique ang pagselebrar sang festival diri sa Iloilo City kon ikumparar sa Cebu City bangud ang simbahan kag ang Iloilo City government ang naga-isa para sa kahiwatan.
Para sa natungdan, isa ka makahulugan kag matahum nga pamaagi agud nga mapakita ang debosyon kag pagtuo kay Señor Sto. Niño.
Ginakabig man sini nga ang kooperasyon sang syudad kag sang simbahan katolika ang nagapakita sang Synodality.
Ginkumpirma ni Rev. Fr. Zerda, nga si Former Mayor Joe Espinosa III kag asawa sini nga si Gina Sarabia-Espinosa ang mangin Hermano kag Hermana Mayor subong nga Dinagyang 2025.
