Dine-in sa mga restaurant gin-limitahan, gym gin-siraduhan bangud sa panibag-o nga mga kaso sang COVID-19 nga na-rekord sa Seoul, Korea

Ginlimitahan ang dine-in sa mga restaurants kag gin-siraduhan ang mga fitness centers sa South Korea bangud sa padayon nga pagdugang sang mga kaso sang COVID-19.

Ika-17 na nga adlaw nga ginatos nga mga kaso ang nagadugang sa diin may yara na sang 19,699 nga mga indibidwal ang infected kag 323 ang patay.

Suno sa Korea Centers for Disease Control and Prevention, ang 209 ka mga panibag-o nga kaso ang gikan sa Seoul.

30 ka kaso man ang na-report sa southeastern city sang Daegu nga nangin epicenter sang virus sang Pebrero kag Marso.

Ginatudlo nga sa simbahan naghalin ang mga madamo nga kaso sang virus sa Seoul sa diin nagmandu ang mga otoridad nga temporaryo nga isirado ang mga simbahan kag nightspots samtang magabalik naman sa remote learning ang mga eskwelahan bangud sa pagtaas liwat sang kaso sang COVID-19.