ILOILO CITY- Magabalik na ang direct flights via Iloilo-Hong Kong kag Iloilo-Singapore and vice versa.
Ini matapos man ang apat ka tuig nga pagpa-untat sini bangud sa pandemya.
Suno kay Michelle Eve de Guzman, Marketing Director sang Cebu Pacific, ang nasambit nga flights ang ipatuman sa Oktubre subong nga tuig.
Sa subong, naka-piso sale ang nasambit nga airline company.
Ang nasambit nga anunsyo ang ginpahayag kadungan ang ginpatigayon nga 33rd Visayas Area Business Conference sa Iloilo Convention Center sa Mandurriao, Iloilo City.
