Nagtaliwan na sa edad nga 87-anyos si William Friedkin, ang beterano kag Oscar-winning director sang classic horror film nga The Exorcist kag crime thriller The French Connection.
Ginbawian sang kabuhi ang amo nga American filmmaker sa Los Angeles apang wala pa ginsapubliko ang rason sang iya kamatayon.
Ginakabig si Friedkin bilang isa sa pinaka-daring kag isa sa pinaka-maimpluwensya nga director sa film industry sa Estados Unidos.
Ang iya produkto nga The French Connection ang nakadaog sang lima ka Academy Awards lakip na ang best director. Ang The Exorcist nga ginpaguwa sang 1973 ang kilala man sa wala-tuo nga rekord lakip na ang nominasyon sa 10 ka Oscars kun sa diin nagdaog ini sa duha kag nangin mas bantog bangud sa multiple sequels.
1960s sang nag-umpisa ang karera ni Friedkin kag sa edad nga 87-anyos, natalana pa nga i-screen ang iya latest movie nga The Caine Mutiny Court-Martial sa Venice Film Festival umpisa sa Agusto 30. #
