Ginaplano nga posasan si Dismissed Bamban, Tarlac Mayor Alice Guo samtang nagasuksok sang bulletproof vest kag ginapalibutan sang police escorts samtang ini ang iga-transfer sa Senado agud nga magtambong sang legislative investigation kaangot sa illegal Philippine Offshore Gaming Operators (POGOs).
Suno kay Philippine National Police (PNP) Spokesperson Police Colonel Jean Fajardo, ang convoy nga nagadala kay Guo ang magahalin sa PNP Custodial Center sa Camp Crame, Quezon City sa takna nga alas-8:00 sa aga sa Lunes antes paman magsugod ang Senate hearing sang alas-10:00 sa aga.
Santo naman sa inisyal nga plano, suksokon ni Guo ang bulletproof vest kag magasakay sa salakyan nga may upod nga security package kag tanan nga police officers nga maga-agubay sa iya ang lunsay mga kababainhan. Lakipan man ini sang Special Weapons And Tactics (SWAT) Team agud sekyaron si Guo samtang nagasunod sa iya nga convoy.
Nagpasalig man si Fajardo nga ang law enforcers ang strikto nga maga-obserba sang security protocols samtang ginadul-ong si Guo sa Senate office sa Pasay City.
Ini kasunod man sang mando sang Tarlac court nga arestohon si Guo bangud sa graft charges nga nagtulod man sa PNP Custodial Center nga dal-on si Guo sa Senate sa Lunes matapos nga ginpahanugutan sang korte ang request sang Senado agud magtambong si Guo.
Una na nga nagsulat si Senator Risa Hontiveros, chairperson sang Senate committee on women, children, family relations, and gender equality kay Capas, Tarlac Regional Trial Court Branch 109 Presiding Judge Sarah Vedaña-Delos Santos nga naga-request nga pahanugutan si Guo nga magtambong sa continuation sang panel’s investigation sa Septyembre 9, 2024.
Ang request ang ginhimo antes nag-issue ang korte sang commitment order para kay Guo, nga wala man nagpyansa, kag iga-detain sa PNP Custodial Center sa Camp Crame.
Si Guo ang igahamtang sa detention room, kon sa diin, anay man nga ginbutang si former senator Leila de Lima.
Ginlaragway man ang detention room bilang “ordinary” quarters bangud wala sang air condition unit, may single bed with metal frame, gamay nga round table, monoblock nga pulungkuan, kag plastic bucket lakip na ang balde sa sulod sang comfort room (CR).
Ginpahayag man ni Fajardo, nga ang PNP pasiguraduhon nga ang hostage taking incident nga natabo kay de Lima sang Oktobre 2022 samtang siya ang sa Custodial Center, ang indi liwat matabo kay former mayor Alice Guo.
