Patay ang isa ka anay pulis matapos ginluthang sa Purok Michelle, Barangay Dulao, Bago City.
Ang biktima amo si Renaldo Bernel, residente sang Barangay Pacol, Bago City.
Ginaalegar nga lima ka tawo ang nagpaarak sang luthang sa anay pulis.
Ang biktima ang halin sa eskwelahan sang iya anak matapos niya ini gindul-ong.
Sang pakadto na kuntani sa ginabantayan nga manokan samtang nagadala sang motorsiklo, didto na ini ginluthang sang mga suspek.
Sa karun, padayun pa ang hot pursuit operation.
Nahibaluan nga si anay Police Officer 2 Reynaldo Bernil ang nakasuhan na sang murder upod kay anay police asset Carlo Riosora sang Silay City Police Station, matapos ginluthang-patay ang isa man ka pulis nga si SPO4 Roger Cañete sa banwa sang Brgy. Poblacion Dos, EB Magalona sang 2015.
