Nagpositibo sa ginpatigayon nga drug test ang dismissed Police Officer nga nadakpan sa drug buy bust operation sa Brgy. Maribong, Lambunao, Iloilo.
Ang subject amo si Jonathan Digno Limas, 54-anyos, residente sang Barangay Cubay sa amo nga banwa.
Suno kay Police Major Dadje Delima, head sang Provincial Drug Enforcement Unit (PDEU) sang Iloilo Police Provincial Office, sa pagpangusisa nila, naggwa nga may contact si Limas sa Metro Manila kun sa diin siya nagakuha sang supply sang illegal drugs.
Sakop naman sang iya operasyon ang Lambunao, Dueñas, Calinog kag Passi City.
Napasaka na ang kaso batok kay Limas.
Matandaan nga nakuha sa posisyon sang anay pulis ang 120 gramos nga ginapahayag shabu nga may standard drug price nga P816,000.00.
Nahibaluan nga gin-dismiss ini sa serbisyo matapos matukiban nga ginpeke sini ang iya nga eligibility sa Civil Service.
