Nagdangat sa 1,758 ang numero sang mga displaced workers halin sa tourism industry nga nalista sang Public Employment Service Office (PESO) – Iloilo kag Office of the Provincial Tourism sa probinsya sang Iloilo.
Sa interview sang Bombo Radyo kay Mr. Francisco Heler Jr., chief sang PESO – Iloilo, iya ginpahayag nga katuyuanni Iloilo Governor Arthur Defensor Jr. nga mahatagan sang prayoridad kag bulig ang pila ka mga displaced workers halin sa industriya sang turismo sa probinsya.
Ini ang pinaagi sa Tulong Panghanapbuhay sa Ating Disadvantaged/Displaced Workers (TUPAD) project sang Department of Labor and Employment (DOLE).
Suno kay Heler, matapos nila matipon ang numero sang mga nadulaan sang trabahosa kada banwa sang probinsya sang Iloilo, ginapa-aprubahan ini kay Governor Defensor kag ginpasa sa DOLE Region VI nga amo ang magaproseso sang ayuda para sa mga natumod nga displaced workers.
Pahayag ni Heler, sa sulod sang 10 ka-adlaw, magabaton ang mga displaced workers sang ayuda nga P395.00 daily.
Dugang pa niya, ang numero sang mga displaced workers halin sa industriya sang turismo sa probinsya ang posible nga madugangan pa.
