BALASAN, ILOILO – Nagahingyo sang dugang nga manpower ang tagdumalahan sang Jesus M. Colmenares District Hospital sa Balasan, Iloilo.
Ini ang kasunod sang pagmasakit sang mga hospital staff bangud man sa kadamuon sang pasyente nga may yara sang Dengue Hemorrhagic Fever.
Sa interview sang Bombo Radyo kay Dr. Eduardo Diaz, chief of Hospital 2 sang nasambit nga district hospital, iya ginpahayag nga lakip sa mga ginakulang amo ang doktor, nurse kag medical technologist.
Sa pagkamatuod suno kay Dr. Diaz, nagamasakit na ang iban sa mga hospital staff bangud sa tuman nga kakapoy tuga sang madamu nga pasyente nga may yara sang Dengue.
Sa subong suno kay Dr. Diaz, ang ila dining area kag conference room ang ginpagamit sa mga pasyente.
Santo sa pinaka-ulihi nga data, nagalab-ot na sa 244 ang pasyente sa nasambit nga hospital nga may yara lang kun tani sang 25 bed capacity.
